არსენალი - პსჟ, კაშიას საკლუბო კარიერის უდიდესი მატჩი და სხვა - ჩემპიონთა ლიგის მე-2 ტური

ჩემპიონთა ლიგის საერთო ფაზის მე-2 ტური დღეს, 1 ოქტომბერს იწყება და ქართველი გულშემატკივრებისთვის მას განსაკუთრებული მნიშვნელობა ექნება.

დღეს მაყურებელი 9 მატჩს იხილავს, საიდანაც 2 ნაადრევად არის გამოტანილი, 7 კი ტრადიციულად, 23:00 საათზე გაიმართება.

შეარჩიე შენთვის სასურველი მატჩი და უყურე adjarabetarena-ზე სრულიად უფასოდ, ასევე ყველა მატჩზე დაკლიკვით შეგიძლია გადახვიდე უშუალოდ იმ თამაშის ლაივზე. 

20:45 

ზალცბურგი - ბრესტი 

პირველ ტურში ზალცბურგი სრულიად მოულოდნელად, სტუმრად სპარტა პრაღასთან 0:3 განადგურდა და დღეს ტურნირის პირველი ქულების დაგროვებას შეეცდება. რაც შეეხება ბრესტს, მათ ოთარ კიტეიშვილის შტურმ გრაცს 2:1 აჯობეს და ლიგაზე დებიუტი გამარჯვებით აღნიშნეს.

შტუტგარტი - სპარტა პრაღა

გერმანელებმა პირველ ტურში რეალთან საოცარი შთაბეჭდილება დატოვეს და მხოლოდ ტიბო კურტუას და საკუთარი ფორვარდების ცუდი რეალიზაციის გამო ვერ წამოიღეს მადრიდიდან მინიმუმ ერთი ქულა მაინც, სპარტა პრაღამ კი ლიგა საოცრად დაიწყო და პირველ ტურში ზალცბურგი 3:0 გაანადგურა.

23:00

არსენალი - პსჟ 

პირველ ტურში არსენალმა ატალანტასთან სტუმრად ფრე ითამაშა. თანაც ისე, რომ ბერგამოს ქულით ძლივს გამოაღწია - დავიდ რაიას გმირობების ხარჯზე. რაც შეეხება პსჟ-ს, გუნდმა პირველ ტურში ჟირონას უმასპინძლა და ყველაფერი მოულოდნელი ნულოვანი ფრისკენ მიდიოდა, თუმცა 90-ე წუთზე, კატალონიელთა მეკარე გასანიგამ ბურთი კომიკურად საკუთარ კარში შეაგდო და ლუის ენრიკეს გუნდს გამარჯვება "აჩუქა".

ბარსელონა - იანგ ბოიზი

ჩემპიონთა ლიგაზე თავისი პირველი მატჩი ბარსას სათავეში ჰანსი ფლიკმა მონაკოსთან გასვლაზე წააგო, რამაც ხელი საწყის წუთებში ერიკ გარსიას გაძევებამ შეუწყო. ამიტომ, კატალონიელებს დღეს ტურნირზე თავისი პირველი ქულები ჰაერივით ესაჭიროებათ. იანგ ბოიზმა კი პირველ ტურში ასტონ ვილასთან საკუთარ კედლებში გამანადგურებლად წააგო [0:3] და დღევანდელი მატჩის ცალსახა აუთსაიდერიც არის.

ლევერკუზენი - მილანი

ჩაბი ალონსოს ჩემპიონთა ლიგაზე ბაიერთან ერთად წარმატებული დებიუტი ჰქონდა, მისმა გუნდმა სტუმრად ფეიენოორდი 4:0 გაანადგურა. იგივეს თქმა არ შეგვიძლია პაოლო ფონსეკაზე, რომლის მილანმაც საკუთარ სტადიონზე ლივერპულთან სრულიად დამსახურებულად, 1:3 წააგო.

დორტმუნდი - სელტიკი

ნური შაჰინის გუნდმა პირველ წრეში სტუმრად ბრიუგე 3:0 გაანადგურა, სელტიკმა კი გურამ კაშიას სლოვან ბრატისლავას შოტლანდიაში არანაირი შანსი არ დაუტოვა (5:1).

ინტერი - ცრვენა ზვეზდა

სიმონე ინძაგის გუნდმა პირველ ტურში ეტიჰადზე სიტისთან მძიმე და საყურებლად დამღლელი 0:0 ითამაშა, რაზეც თითქოს ორივე გუნდი თავიდანვე იყო შეთანხმებული. ცრვენა ზვეზდამ კი თავისივე მოედანზე ბენფიკასთან წააგო (1:2).

პსვ - სპორტინგი

ნიდერლანდელები ტურინში იუვენტუსთან 1:3 დამარცხდნენ, სპორტინგმა კი ფრანგული ლილი 2:0 დაამარცხა.

სლოვანი - მან სიტი

და ესეც ქართველებისთვის ყველაზე საინტერესო და მნიშვნელოვანი მატჩი. გურამ კაშია კარიერაში მე-2 მატჩს ჩაატარებს მან სიტის წინააღმდეგ და შესაძლოა, ეს მის საკლუბო კარიერაში ყველაზე დიდი მატჩიც იყოს. პირველ ტურში ვლადიმერ ვაისის გუნდი სელტიკთან განადგურდა (1:5), სიტიმ კი ეტიჰადზე ინტერთან ფრე ითამაშა (0:0).