არსენალის ექს-ფეხბურთელი: "სალაჰის სასტარტოში დაბრუნება არასწორი იქნება"

არსენალის ყოფილმა ფეხბურთელმა, პოლ მერსონმა აღნიშნა, რომ მოჰამედ სალაჰი სათადარიგო სკამზე სამართლიანად დარჩა.

არნე სლოტმა ვესტ ჰემთან მატჩში ეგვიპტელი თადარიგში დატოვა და ლივერპულმა 2:0 მოიგო.

პრემიერ ლიგის შემდეგ ტურში ლივერპული სანდერლენდს დაუპირისპირდება და მერსონის აზრით, სალაჰმა ეს მატჩიც არ უნდა დაიწყოს სასტარტოში.

„სანდერლენდმა ძალიან კარგ მეტოქე ბორნმუთთან საუცხოო თამაში აჩვენა, თუმცა მე ლივერპულის მოგებაზე დავდებდი ფსონს, მხოლოდ იმიტომ, რომ ეს ლივერპულია. ალექსანდრ ისაკმა როგორც იქნა პირველი გოლი გაიტანა ვესტ ჰემთან. კი ვფიქრობ რომ მოიგებენ, თუმცა ისიც მგონია, რომ ადვილი არ იქნება. სანდერლენდთან გუნდს მძიმე მატჩი ელის.

გამიკვირდება, თუ არნე სლოტი სალაჰს სასტარტოში დააბრუნებს, ეს არასწორი იქნება. ის სასტარტოდან ტყუილად არ ამოუგდიათ და თანაც, ლივერპულმა მოიგო.

სალაჰი თადარიგში უნდა დარჩეს და საუკეთესო ფორმა აღიდგინოს. არ შეიძლება ფეხბურთელების დაყენება მხოლოდ მათი წინა მიღწევების დამსახურებით.

სლოტმა სწორი გადაწყვეტილება მიიღო, როცა სალაჰი ამოაგდო ძირითადიდან და ასეც უნდა განაგრძოს." - აღნიშნა მერსონმა.