ჯონათან ტა არ მიიჩნევს, რომ არსენალი ბაიერნს მნიშვნელოვნად აღემატება.
ერთი თვის წინ გუნდებს შორის ჩემპიონთა ლიგის მატჩი ლონდონელთა გამარჯვებით 3:1 დასრულდა.
– როგორ აფასებთ თქვენს შანსებს ბუნდესლიგის, ჩემპიონთა ლიგისა და გერმანიის თასის მოგებაზე?
– შანსები კარგია. ბაიერნი ყოველთვის ისწრაფვის თითოეულ ტურნირზე ტიტულისთვის ბრძოლისკენ. ვფიქრობ, ახლა ვდებთ მყარ საფუძველს იმისთვის, რომ სეზონის ბოლოს ყველა ტიტულისთვის ვიბრძოლოთ. უკვე ძალიან, ძალიან დიდ პროგრესს მივაღწიეთ. თუმცა, რა თქმა უნდა, საბოლოოდ ყველაფერი გადამწყვეტ მატჩებში წყდება.
– ჩემპიონთა ლიგაზე უკვე შეხვდით ძლიერ გუნდებს — პსჟ-ს, არსენალს, ჩელსის — და კარგადაც გამოიყურებოდით. ეს ზრდის გამარჯვების რწმენას?
– უდავოდ. როცა საუკეთესოებს ეჯიბრები, უკეთ ხვდები საკუთარ დონეს. ეს გუნდს თავდაჯერებულობას მატებს. არსენალთან მატჩშიც კი, მიუხედავად მარცხისა, არ გვიგრძვნია, რომ მეტოქე ჩვენზე ბევრად უკეთესი იყო. თამაშის შემდეგ უფრო ის ვიფიქრეთ: „ნეტავ, კიდევ ერთხელ ვითამაშოთ არსენალთან“.
– ეს შესაძლებელია კიდეც — თუნდაც ფინალში.
– ზუსტად. არსენალთან შესანიშნავი ფინალი იქნებოდა, — თქვა მცველმა.
