ინგლისის პრემიერ ლიგის 28-ე ტურის ცენტრალურ მატჩში ლონდონური დერბი შედგა.
არსენალმა ემირეითსზე ჩელსის უმასპინძლა. შეხვედრაში 3 გოლი გავიდა და სამივე მათგანი კუთხურს მოჰყვა.
ანგარიში 21-ე წუთზე მასპინძლებმა გახსნეს. კუთხურიდან ჩაწოდების გაბრიელი-სალიბას თავური კომბინაციით ამ უკანასკნელმა ჩელსის კარი აიღო. ტაიმის ბოლოს, კომპენსირებულ დროში გოლი კუთხურიდან ჩელსიმაც გაიტანა, ამჯერად ავტო-გოლი პედრო ინკაპიეს ჩაეთვალა.
66-ე წუთზე მატჩის გადამწყვეტი გოლი დეკლან რაისის ჩამოწოდებული მორიგი კუთხურიდან გავიდა, გამარჯვების გოლის ავტორი კი იურიენ ტიმბერი გახდა.
არსენალმა ლონდონურ დერბიში მნიშვნელოვანი 3 ქულა მოიპოვა და სატურნირო ცხრილის ლიდერობას მანჩესტერ სიტისთან 5-ქულიანი უპირატესობით ინარჩუნებს, თუმცა ქალაქელებს 1 მატჩით ნაკლები აქვთ ჩატარებული.
