არსენალის მთავარმა მწვრთნელმა მიკელ არტეტამ ინგლისის ლიგის თასის ნახევარფინალის პირველ მატჩში ჩელსისთან გამარჯვება (3:2) შეაფასა.
„მოხიბლული ვარ იმით, რაც არსენალმა მთელი მატჩის განმავლობაში გააკეთა სტუმრად, თანაც ისეთი ძლიერი მეტოქის წინააღმდეგ, რომელსაც ყველა კომპონენტში მაღალი ხარისხი აქვს.
ჩვენ ვდომინირებდით, სამი გოლი გავიტანეთ და კიდევ ორი შესანიშნავი შანსიც გვქონდა მეოთხე გოლის გასატანად. ჩელსის მეორე გოლმა თამაშის დინამიკა ცოტა შეცვალა, მაგრამ საერთო ჯამში ძალიან კმაყოფილი ვარ.
მიუხედავად ამისა, შეიძლებოდა კიდევ უკეთესიც ყოფილიყო“, — განაცხადა მიკელ არტეტამ.
საპასუხო ნახევარფინალი ემირეითსზე თებერვლის დასაწყისში გაიმართება.
