მიკელ არტეტამ ბრენტფორდთან მოგებული (2:0) მატჩი შეაჯამა.
„ყოველთვის არაკომფორტულია, როცა ბოლო წუთებს მინიმალური უპირატესობით ხვდები, რადგან ბრენტფორდის ერთი ზუსტი დარტყმა და გარშემო ქაოსი დაფუძნდებოდა. ანგარიში 1:0 საკმარისი ვერასდროს ვერ იქნება, თუმცა მგონია, რომ მატჩში ჩვენ ვდომინირებდით და უფრო სახიფათო მომენტებიც ჩვენ შევქმენით.
მთლიანობაში კმაყოფილი ვარ. ჩატარებული კვირის შემდეგ, სამ დღეში თამაში, აღდგენის გარეშე და კვლავ მოგება... ამ ფეხბურთელებით ვამაყობ.
დავიდ რაიას სეივი? არ მინახავს გამეორებით, თუმცა ჩემი თვალით ეს ჩანდა როგორც კარგი და მნიშვნელოვანი რეაქცია? მეტოქის მეკარემაც რამდენიმე მნიშვნელოვანი სეივი გააკეთა, თუმცა სწორედ ეს არის მეკარის საქმე. გადამწყვეტ მომენტებში ფეხბურთელმა უნდა გააკეთოს ის, რაც საჭიროა.
ტრავმების ფონზე მაქსიმუმს ვიღებთ გუნდისგან. დავკარგეთ სალიბა, გაბრიელი, დღეს გამოგვაკლდა მოსკერაც. ეს დიდი გამოცდა იყო. ბენ უაითმა საოცრად ითამაშა. ყველა, ვისაც შესაძლებლობა ეძლევა, დონეს დებს.
რაისის და მოსკერას ტრავმებზე უფრო მეტი ხვალ გვეცოდინება, ასევე გავიგებთ რამდენად მზად იქნება სალიბა ასტონ ვილასთან სათამაშოდ. გამოკვლევების ჩატარებაა საჭირო. დეკლანი შესაცვლელი გახდა. ვნახოთ, მზად ვინ იქნება.
ის, რაც დღეს მიკელ მერინომ გააკეთა - დაუჯერებელია. თვითონ გოლი არა, რომელიც ასევე შესანიშნავი იყო. უფრო მოძრაობა, ხარისხი, რეალიზაცია, მომენტის შეფასების უნარი და სისწრაფე. ეს ფენომენალურია."
