10 აგვისტოს, ლას ვეგასში UFC-ის მორიგი ღონისძიება გაიმართება.
UFC Vegas 109-ის მთავარ ბრძოლაში ერთმანეთს საშუალო წონის რეიტინგის ათეულში მყოფი ორი მებრძოლი დაუპირისპირდება.
რეიტინგის მე-9 ნომერი რომან დოლიძე და მე-10 ნომერი ენტონი ერნანდესი ერთმანეთის დამარცხებით შეეცდებიან სატიტულო ბრძოლისკენ გზა გაიკვალონ.
ერნანდესმა ბოლო წლებში მნიშვნელოვანი განაცხადი გააკეთა, ის 2021 წლიდან დაუმარცხებელია და UFC-ში ზედიზედ 7 მოგება ჩაიწერა აქტივში.
რეიტინგის ათეულში მოსახვედრად ბოლო გამარჯვება მან ბრენდან ალენთან მოიპოვა, რომან დოლიძესთან გამარჯვება კი მას დრიკუს დუ პლესისთან სატიტულო ბრძოლასთან მიაახლოვებს.
თუმცა დოლიძე მისთვის რთული მეტოქე იქნება, მან ბოლო 3 ბრძოლა მოიგო, მათ შორის ქართველმა იტალიელ მარვინ ვეტორისთან მარტში გამართულ ხუთრაუნდიან დაპირისპირებაში რევანში აიღო.
იქამდე კი, 2024 წელს რომანმა ნასურდინ იმავოვთან მარცხის შემდეგ ენტონი სმიტსა და კევინ ჰოლანდს მოუგო და მოგებათა სერიას დაუბრუნდა.
UFC Vegas 109-ის მეინ ქარდი 10 აგვისტოს, 03:00 საათზე დაიწყება.
