ასენსიო: "ნაკრებში გამოძახების ამბავი ანჩელოტიმ მითხრა"

მადრიდის რეალის მცველმა, რაულ ასენსიომ ის მომენტი გაიხსენა, როცა ესპანეთის ნაკრებში გამოძახების ამბავი გაიგო.

"ვარჯიშის დროს ანჩელოტი ჩემთან მოვიდა და მითხრა, რომ ესპანეთის ნაკრებში გამომიძახეს.

ყველა გუნდელმა მაშინვე მომილოცა, ეს სასიამოვნო მომენტი იყო." - განაცხადა 22 წლის მცველმა.

ასენსიომ თავი მადრიდის რეალის შემადგენლობაში მაშინ გამოიჩინა, როცა გუნდის მთავარმა მცველებმა ტრავმები მიიღეს, ანჩელოტიმ კი ახალგაზრდა ესპანელს შანსი მისცა, რომელიც მან გამოიყენა.

სამეფო კლუბში კარგი თამაშის შემდეგ ესპანეთის ნაკრების მთავარმა მწვრთნელმა, ლუის დე ლა ფუენტემ ასენსიო ნაკრებში პირველად გამოიძახა.

რაულს კარგ თამაშს რეალიც უფასებს და სავარაუდოა, რომ მხარეები მალე ახალ კონტრაქტს გააფორმებენ.

გავის და ისკოს გარეშე, რაულ ასენსიოსთან ერთად - ესპანეთის ნაკრების განაცხადი ცნობილია