ასეთ ქამბექს ცოტა თუ იფიქრებდა! - ნახეთ, რა შედეგები აქვს ნაკრებს ევროზე

პორტუგალიის ქალაქ ოეირაშში წყალბურთის 20-წლამდელთა მე-2 დივიზიონის ევროპის ჩემპიონატზე, საქართველოს ნაკრებმა კიდევ ერთი გამარჯვება მოიპოვა.

რუსეთთან მარცხისა (11:21) შემდეგ, ჩვენმა გუნდმა პორტუგალია (20:11) დაამარცხა, დღეს კი ფინეთის ნაკრებს ასევე დამაჯერებლად, 7-ბურთიანი სხვაობით აჯობა - 14:7.

ევროპის ჩემპიონატის მძიმე წაგებით დაწყების ფონზე, არ იყო იოლი, საქართველოს ძალ-ღონე მოეკრიბა და მომდევნო ორი თამაში ასე უკითხვისნიშნებოდ მოეგო.

საქართველოს ნაკრებს ჯგუფურ ეტაპზე კიდევ 2 თამაში აქვს წინ - პოლონეთთან და ლიეტუვასთან. ჯგუფიდან 4 საუკეთესო გუნდი 1/4 ფინალურ ეტაპზე გადაინაცვლებს.

არის შანსი, რომ ჩვენი ნაკრები შემდეგ რაუნდში 2 გამარჯვებითაც გავიდეს, თუმცა დარჩენილი ორიდან ერთ-ერთი მატჩის მოგება ამას ფაქტობრივად გაუნაღდებს.

ფოტო: საქართველოს საწყლოსნო სპორტის სახეობათა ფედერაცია