"აშკარად ჩანს, რომ მეორე დივიზიონიდან შემოგვიერთდა", - კოვაჩი უმცროს ბელინგემზე

ბორუსია დორტმუნდის მთავარმა მწვრთნელმა, ნიკო კოვაჩმა, ჯობ ბელინგემის მცირე სათამაშო დროზე ისაუბრა.

ამ სეზონში ჯუდის უმცროსმა ძმამ მოედანზე 540 შესაძლოდან 221 წუთი გაატარა მოედანზე. ბუნდესლიგის პირველ ტურში მწვრთნელმა ის პირველი ტაიმის შემდეგ შეცვალა, რამაც სკანდალი გამოიწვია - ფეხბურთელის მამა მატჩის შემდეგ გასახდელში ჩავიდა და საქმის გარჩევა სცადა.

„ყველას უნდა მეტი ითამაშოს. ყველას უნდა სულ და მუდმივად თამაშობდეს. მაგრამ, მაშინ სულ 11 ფეხბურთელი გვეყოლებოდა. ამ კლუბთან კონტრაქტი მარტო კარგ ხელფასს კი არა, უმაღლეს კონკურენციასაც გულისხმობ.

ჯობი ძალიან ნიჭიერი ფეხბურთელია, მაგრამ აშკარად ჩანს, რომ ის ინგლისის მეორე დივიზიონიდან შემოგვიერთდა. დიდი პოტენციალი აქვს, მაგრამ ჯერ გუნდს უნდა შეეწყოს, იმიტომ, რომ ძალიან დიდი ნახტომი გააკეთა.

მისი განვითარებით კმაყოფილი ვარ. არ შეიძლება ზედმეტად დიდი ზეწოლის მოხდენა და სახელზე ყურადღების გამახვილება. ეს შეცდომაა, რომელიც ამ ბიჭს ნამდვილად არ წაადგება.

არ უნდა ელოდო, რომ ფეხბურთელი ორ თვეში მიიღებს ყველაფერს, რაც სურს. ზოგჯერ ახალგაზრდა ფეხბურთელებს ნახევარი წელიც სჭირდებათ, მაგრამ დარწმუნებული ვარ, რომ მის შემთხვევაში, ყველაფერი უფრო მალე მოხდება." - აღნიშნა კოვაჩმა.