VIDEO: 12-გზის ჩემპიონი! ბაიერნმა სუპერთასის ფინალში იმარჯვა

მიუნხენის ბაიერნმა გერმანიის სუპერთასის ფინალში დორტმუნდის ბორუსიას სიგნალ იდუნა პარკზე 2:1 მოუგო და ისტორიაში ამ ტიტულს მეთორმეტედ დაეუფლა. შეგახსენებთ, რომ მიუნხენელები მატჩს მოქმედი ჩემპიონისა და თასის მფლობელის რანგში ატარებდნენ, დორტმუნდმა კი მონაწილეობის უფლება ბუნდესლიგის ვიცე-ჩემპიონობით მიიღო.

ბაიერნის უპირატესობა პირველ ტაიმში

ანგარიში 28-ე წუთზე ნათანიელ ბრაუნმა გახსნა, რომელმაც საჯარიმოში ჩამოვარდნილი ბურთი უძლიერესი დარტყმით გრეგორ კობელის კარში გაგზავნა. 41-ე წუთზე დორტმუნდმა რამი ბენსებაინის გოლით უპასუხა, თუმცა VAR-ზე გადამოწმების შემდეგ თამაშგარე მდგომარეობა დაფიქსირდა. ტაიმის მიწურულს (45+) მაიკლ ოლისემ ბრწყინვალე სოლო რეიდი შეასრულა და სხვაობა ორამდე გაზარდა.

დორტმუნდის გამოღვიძება და დაძაბული ფინიში

მეორე ტაიმში მასპინძლები გააქტიურდნენ და უპირატესობას დაეუფლნენ. 75-ე წუთზე ფაბიო სილვამ სხვაობა შეამცირა (მისი დარტყმული ბურთი ალფონსო დევისს მოხვდა და ისე აღმოჩნდა კარში). ამის შემდეგ მოედანზე ბაიერნის რიგებში მაროკოელი ისმაილ საიბარი გამოჩნდა, რომლის წინააღმდეგაც 90-ე წუთზე ბენსებაინიმ უხეშად ითამაშა და პირდაპირ წითელი ბარათი მიიღო.

10 კაცით დარჩენილ დორტმუნდს გათანაბრების 100%-იანი შანსი 93-ე წუთზე ჰქონდა, თუმცა მაქსიმილიან ბაიერმა მანუელ ნოიერთან პირისპირ გასვლის შემდეგ ბურთი კარს ააცილა. საბოლოოდ, ბაიერნმა ანგარიში შეინარჩუნა და სეზონის პირველ ტიტულს დაეუფლა.