ჰარი კეინი თანაგუნდელს აკრიტიკებს

ჩემპიონთა ლიგაში მიუნხენის ბაიერნისა და ნორვეგიული ვიკინგის დაპირისპირება საკმაოდ დაძაბული გამოდგა და ფრედ, 3:3 დასრულდა.

გერმანულმა გრანდმა გამარჯვება ხელიდან ბოლო წუთებზე გაუშვა, რაშიც უდიდესი როლი მაიკლ ოლისეს გაძევებამ ითამაშა. ფრანგმა შემტევმა მეტოქის კაპიტნის, ზლატკო ტრიპიჩის პროვოკაციებს ვერ გაუძლო, ბურთი სახეში ესროლა, მეორე ყვითელი ბარათი მიიღო და მოედანი დატოვა.

მატჩის შემდეგ ჰარი კეინმა მომხდარზე გულწრფელად ისაუბრა და თანაგუნდელის ქმედება გააკრიტიკა:

ცუდი პირველი ტაიმის შემდეგ, თამაშში დაბრუნება მოვახერხეთ, მაგრამ წითელმა ბარათმა ყველაფერი შეცვალა. ოლისე ძალიან იმედგაცრუებული იქნება, თუმცა მან პასუხისმგებლობა უნდა აიღოს. ეს შეცდომა იყო და ასეთ მომენტებში ემოციების გაკონტროლება აუცილებელია, წინააღმდეგ შემთხვევაში ვისჯებით

ინგლისელმა ვარსკვლავმა არც მეტოქე გუნდის კაპიტანი დაინდო, რომელმაც ოლისეს პროვოცირების გარდა, ორი საგოლე გადაცემაც მიითვალა:

ტრიპიჩმა მიზანს მიაღწია? ეს ფეხბურთის ნაწილია. ის ჭკვიანი მოთამაშეა, რომელსაც უყვარს ჯარიმების მოპოვება, მინდორზე გორაობა და დროის გაყვანა. დღეს ამ ტაქტიკამ გაუმართლა, მსაჯმა კი სიტუაციის გაკონტროლება ვერ შეძლო.