ავტორიტეტულმა ფრანგულმა გამოცემამ L'Équipe-მა ოქროს ბურთის წლევანდელ დაჯილდოებასთან დაკავშირებით მასშტაბური გამოკითხვა ჩაატარა.
პლატფორმის მომხმარებელთა ხმების მიხედვით, პირველი ადგილი კილიან მბაპემ დაიკავა, რომელმაც მხარდაჭერის 34 პროცენტი მოიპოვა, ხოლო მეორე პოზიციაზე პარი სენ-ჟერმენის ქართველი სუპერვარსკვლავი, ხვიჩა კვარაცხელია გავიდა.
კვარა გამოკითხულთა 23.7 პროცენტის რჩეული გახდა და სამეულში ინგლისელი ჰარი კეინი ჩამოიტოვა, რომელმაც ხმების 8.8 პროცენტი მიიღო.
მიუხედავად იმისა, რომ სამეულში ვერ მოხვდა ლამინ იამალი, ფრანგული გამოცემის აუდიტორიის აზრით, წლის საუკეთესო ახალგაზრდა ფეხბურთელის ჯილდო სწორედ მას უნდა გადაეცეს.
ოქროს ბურთის ცერემონია 26 ოქტომბერს, ლონდონში გაიმართება.
