კომპანი: „ასეთმა შეცდომამ შესაძლოა მთელი სეზონი გადაწყვიტოს"

ბაიერნის მთავარმა მწვრთნელმა, ვენსან კომპანიმ, ჩემპიონთა ლიგის საერთო ეტაპის მეორე ტურში ვიკინგთან ფრედ დასრულებული მატჩი (3:3) შეაფასა.

ბელგიელმა სპეციალისტმა მაიკლ ოლისეს გაძევებასა და გუნდის შეცდომებზე ისაუბრა.

„ოლისეს ესმის, რომ შეცდომა დაუშვა და ნანობს, რომ გუნდი დააღალატა. ასეთი რამ ხდება. ეს არც ფინალი იყო და არც ნახევარფინალი, თუმცა მსგავსმა ეპიზოდებმა შესაძლოა მთელი სეზონის ბედი გადაწყვიტოს.

ვუთხარი, რომ მეტოქემ აჯობა. როცა მოწინააღმდეგეზე ბევრად ძლიერი ხარ, საკუთარ თამაშზე უნდა კონცენტრირდე და ზედმეტ დაპირისპირებაში არ ჩაება. ახლა ვეღარაფერს შევცვლით, მაგრამ იმედი მაქვს, ამ შემთხვევიდან გაკვეთილს მივიღებთ“, - თქვა კომპანიმ.

ბაიერნის მწვრთნელის შეფასებით, გუნდმა ქულები საკუთარი შეცდომების გამო დაკარგა.

„მხოლოდ საკუთარ თავს უნდა დავაბრალოთ. თამაშს ვაკონტროლებდით, მაგრამ კონცენტრაციას ვკარგავთ და არასწორ გადაწყვეტილებებს ვიღებთ. ზოგჯერ ზედმეტი თავდაჯერებულობაც გვაზიანებს.

ოლისეს მეორე ყვითელი ბარათი აშკარად სულელური შეცდომა იყო. ფეხბურთელები მონდომებით მუშაობენ, თუმცა ასეთ შეცდომებს ვერ დავუშვებთ. სხვაგვარად მოგება რთულდება მაშინაც კი, როცა მეტოქეს აშკარად ვჯობივართ“, - აღნიშნა კომპანიმ.