ასტონ ვილა ახალ მეკარეს იმატებს - სად მიდის ემი მარტინესი?

ასტონ ვილა პარმასთან მეკარე ძიონ სუძუკის ტრანსფერზე შეთანხმდა.

იაპონიის ნაკრების 23 წლის მეკარის სანაცვლოდ ინგლისური კლუბი თავდაპირველად 30 მილიონ ევროს გადაიხდის, ბონუსების გათვალისწინებით კი ტრანსფერის ღირებულებამ შესაძლოა 35 მილიონ ევროს მიაღწიოს.

სუძუკისთან ხუთწლიანი კონტრაქტი, 2031 წლამდე, უკვე შეთანხმებულია. მეკარემ პარმას აცნობა, რომ მისი სურვილი ამ ზაფხულს ყოველთვის ასტონ ვილაში გადასვლა იყო.

ამავდროულად, ასტონ ვილამ ემილიანო მარტინესის თაობაზე იუვენტუსისგან ახალი შეთავაზება მიიღო და მხარეების შეფასებებს შორის სხვაობა თანდათან მცირდება.

სერია A-ს კლუბი მზად არის, არგენტინელ მეკარეში 10 მილიონ ევრომდე გადაიხადოს - 7 მილიონი ევრო ფიქსირებული თანხის სახით, ხოლო კიდევ 3 მილიონი ბონუსებით.

არგენტინის ნაკრების მეკარე ასტონ ვილას წინასასეზონო მზადებისთვის ორშაბათს უნდა შეერთებოდა.