მადრიდის ატლეტიკომ და ნეტფლიქსმა ფილმ Peaky Blinders: The Immortal Man-თან დაკავშირებით შეთანხმება გააფორმეს, რომელიც ტომი შელბის ისტორიას სერიალ Peaky Blinders-ის მოვლენების შემდეგ აგრძელებს.
ლა ლიგის მატჩში ხეტაფეს წინააღმდეგ, რომელიც 14 მარტს მეტროპოლიტანოს სტადიონზე გაიმართება, ატლეტიკოს ფეხბურთელებს მოედანზე ,,ალესილი კეპების" პერსონაჟების ჯგუფი გააცილებს, რათა „მათი უსაფრთხოება უზრუნველყონ“.
ასევე ატლეტიკო თავის გულშემატკივრებს 1930-იანი წლების ბირმინგემში გადაიყვანს. სტადიონზე მოეწყობა Garrison Tavern, ბარი, სადაც სერიალში შელბის ოჯახი იკრიბება. ასევე იქნება იმ პერიოდის სტილში მოწყობილი სადალაქო, ხოლო ალესილ კეპებიანი მსახიობები გულშემატკივრებს გაზეთებსა და ბერეტებს დაურიგებენ.
სტადიონის ეკრანებსა და ხმოვან სისტემაში სპეციალური შოუ გაიმართება, ასევე გამოყენებული იქნება განათებები სტადიონის გარშემო არსებულ ვიდეოპანელზე, რომელსაც sky ribbon ეწოდება.
როგორც ცნობილია, ეს ინიციატივა ერთჯერადი შეთანხმებაა Netflix-თან, სადაც სტრიმინგ პლატფორმა ატლეტიკოს თანხას იმისთვისუხდის, რომ გამოიყენოს სტადიონი, ფეხბურთელები და კლუბის სოციალური მედიის არხები ფილმის პოპულარიზაციისთვის.
თუმცა მომავალში მსგავსი სარეკლამო აქტივობებიც იგეგმება, მიუხედავად იმისა, რომ შეთანხმების ფინანსური დეტალები საჯაროდ არ გავრცელებულა და ამ ეტაპზე მრავალწლიანი კონტრაქტი არ არსებობს.
