ცნობილი გახდა თუ ვინ იბრძოლებს აზიის თასის ფინალში კონტინენტის ჩემპიონობისთვის.
პირველ 1/2 ფინალურ წყვილში იორდანიამ სენსაციურად დაამარცხა სამხრეთ კორეა ანგარიშით 2-0. მეორე დაპირისპირებაში კი უხვგოლიანი და დაძაბული შეხვედრა ვიხილეთ, რომელშიც მასპინძელმა კატარმა ტურნირის კიდევ ერთი ფავორიტი ირანი დაამარცხა ანგარიშით 2-3.
ასე რომ 10 თებერვალს აზიის თასის ფინალში ერთმანეთს იორდანიისა და კატარის ნაკრებები დაუპირისპირდებიან და ჩემპიონის ვინაობას გაარკვევენ.
იორდანია ფინალში პირველად იმყოფება, კატარი კი მოქმედი ჩემპიონია და ტიტულის დაცვას შეეცდება.
გათამაშების ბომბარდირი ერაყელი აიმენ ჰუსეინია 6 გოლით, ფინალისტებიდან კი ყველაზე მეტი (5) გოლი კატარელ აკრიმ აფიფს აქვს.
