ბარსელონამ შესნისთან მოლაპარაკებები წამოიწყო

ვოიცეხ შესნი და ბარსელონა კონტრაქტის გახანგრძლივებაზე აწარმოებენ მოლაპარაკებებს.

34 წლის გოლკიპერს კატალონიურ კლუბთან მოქმედი ხელშეკრულება ამ სეზონის ბოლომდე აკავშირებს.

Marca-ს ინფორმაციით, ბარსას სპორტულმა დირექტორმა დეკუმ ფეხბურთელის აგენტთან მოლაპარაკებები უკვე გამართა და შეთანხმებით ორივე მხარეა დაინტერესებული.

თავდაპირველად, კლუბი შესნისთვის 1-წლიანი კონტრაქტის შეთავაზებას აპირებდა, თუმცა ახლა განიხილება როგორც ორწლიანის, ისე 1+1 სისტემის შეთავაზების გაკეთებაც.

მიმდინარე სეზონში შესნიმ ბარსას მაისურით 16 მატჩი ჩაატარა, 8-ჯერ კარი მშრალად შეინახა და მისი კარში ყოფნისას გუნდს ჯერ ერთი მატჩიც არ წაუგია.