ბენჟამინ შეშკომ არჩევანი გააკეთა, ჯერი კლუბებზეა

The Athletic-ის ჟურნალისტის დევიდ ორნშტეინის ინფორმაციით, მანჩესტერ იუნაიტედი ლაიფციგდან ბენჟამინ შეშკოს გაფორმებას უახლოვდება.

ლაიფციგი ნიუკასლის შემოთავაზებას, რომელიც 82.5 მილიონ ევროს (პლუს 2.5 მილიონ ბონუსებს) შეადგენს, დათანხმდა, თუმცა 22 წლის თავდამსხმელს მანჩესტერში გადასვლა სურს.

კლუბებს შორის შეთანხმება ჯერ არ შემდგარა, თუმცა მოლაპარაკებები აქტიურ ფაზაშია.

თავად შეშკომ იუნაიტედთან პირად დეტალებზე სრულ შეთანხმებას მიაღწია და მისი კონტრაქტი 2030 წლამდე იქნება გათვლილი.

სლოვენიელმა თავდამსხმელმა თავისი არჩევანი უკვე გააკეთა, ახლა კი ჯერი კლუბებზეა.