ბერძნების იმედად - საქართველომ ბოსნია და ჰერცეგოვინასთან წააგო

ევრობასკეტ 2025-ის მე-5 ტურში საქართველოს ნაკრები ბოსნია და ჰერცეგოვინას დაუპირისპირდა.

ამ თამაშის მოგების შემთხვევაში ჩვენი გუნდი 1/8 ფინალის საგზურს გაინაღდებდა, თუმცა ასე არ მოხდა.

პირველი ტაიმი ჯიკიჩის გუნდმა 12-ქულიანი სხვაობით, 47-35 დათმო. მესამე მეოთხედში ქართველებმა სხვაობის შემცირება მოახერხეს და ანგარიში 67-62 გახდა. შანსის გაჩენის მიუხედავად საქართველომ თამაშის მოტრიალება ვერ შეძლო და საბოლოოდ მატჩი 84-76 წააგო.

გამარჯვებულ გუნდს ქულებში იუსუფ ნურკიჩმა (15 ქულა, 12 მოხსნა) და ჯონ რობერსონმა (15 ქულა) ულიდერეს.

საქართველოს ნაკრებში კი გამორჩეულები სანდრო მამუკელაშვილი (20 ქულა, 8 მოხსნა), კამარ ბოლდუინი (18 ქულა) და გოგა ბითაძე (15 ქულა) იყვნენ.

ბოსნიასთან მარცხის მიუხედავად ჩვენი გუნდი 1/8 ფინალში გასვლის შანსს ინარჩუნებს. ამისთვის დღეს საბერძნეთმა ესპანეთი უნდა დაამარცხოს. ბერძნებისა და ესპანელების მატჩი 22:30 საათზე დაიწყება.

ბოსნია და ჰერცეგოვინას კი 3 მოგება დაუგროვდა და დღევანდელი გამარჯვებით პლეიოფში გავიდა.