საქართველოს ნაკრების კაპიტანმა გურამ კაშიამ თურქეთთან მარცხი (2:3) შეაჯამა.
„სამწუხაროდ პირველი ნახევარი ძალიან ცუდად დავიწყეთ. ის ორი გოლი რაც გავუშვით, თავად მოვიგონეთ. სამწუხარო ისაა, რომ სტანდარტულებიდან გავუშვით ორი გოლი, რამაც ძალიან უკან დაგვხია.
სამივე გოლი საკუთარი შეცდომებით მივიღეთ. გული მწყდება, რომ მესამე გოლი ჩემი შეცდომის გამო გავიდა. 0:3-ს შემდეგ ძალიან კარგად ვითამაშეთ, განსაკუთრებით შეტევაში, თუმცა 0:3-ზე თამაშის დაწყება ძალიან რთულია.
გულდასაწყვეტია, რომ ასეთი შედეგი დაფიქსირდა, ძალიან მნიშვნელოვან თამაშში დავმარცხდით.
ბულგარეთთან 3 დღეში გასამართი მატჩი ასე არ უნდა დავიწყოთ. დღეს ჩვენ თვითონ მოვიგონეთ ის გოლები, რაც გავუშვით, თურქებს მომენტი თითქმის არ შეუქმნიათ. გოლები, რომელიც გავუშვით, ჩვენივე შეცდომით გაგვივიდა, რაც ძალიან სამწუხაროა." - აღნიშნა კაშიამ.
საკვალიფიკაციო ეტაპის მე-2 მატჩს ბულგარეთთან ასევე დინამო არენაზე, 7 სექტემბერს ჩავატარებთ.
