ბორჯღალოსნებმა შვეიცარიის შემდეგ ნიდერლანდებიც გაანადგურეს

რაგბი ევროპის ჩემპიონატის მე-2 ტურში საქართველოს ნაკრები ნიდერლანდებს ესტუმრა და მეტოქე 12-61 გაანადგურა.

პირველი ტაიმი ბორჯღალოსნების გამარჯვებით 5-28 დასრულდა. ჩვენი მხრიდან ლელოები აფრასიძემ, ივანიშვილმა და მატკავამ (2) დადეს, ორ ლელოსთან ერთად კი ოთხივე გარდასახვა ზუსტად ლუკა მატკავამ შეასრულა.

მეორე ტაიმში ქართველების დომინაცია გაგრძელდა. თავი ამჯერად აფრასიძემ, მსტოიანმა, ჭუმბაძემ, მეტრეველმა და შველიძემ გამოიჩინეს, მატკავამ კი თავის მონაგარს 4 ზუსტი გარდასახვა დაამატა.

2 ტურის შემდეგ რაგბი ევროპის ჩემპიონატის A ჯგუფს 10-10 ქულით საქართველო და ესპანეთ ლიდერობენ, ნიდერლანდები და შვეიცარია კი უქულოდ არიან.

საქართველოსა და ესპანეთის მატჩი თბილისში 21 თებერვალს გაიმართება.