საქართველოს რაგბის ნაკრებმა 2026 წლის რაგბი ევროპას ჯგუფური ეტაპის ბოლო მატჩიც მოიგო და 1/2 ფინალის საგზური მოიპოვა.
ბორჯღალოსნებმა ესპანეთის ეროვნულ გუნდს რთულ ბრძოლაში აჯობეს, განსაკუთრებით ეს მეორე ნახევრის პირველ ნაწილზე ითქმის, როცა პირენეელები 23:21 დაწინაურდნენ, თუმცა ჩვენებმა ამის შემდეგ უპირატესობა სრულად აიღეს და მეტოქე 12-ქულიანი სხვაობით დაამარცხეს - 42:30.
შედეგად, საქართველომ ჯგუფში პირველი ადგილი გაინაღდა, რაც ნახევარფინალში მოედნის უპირატესობას აძლევს.
1/2 ფინალური მატჩი 8 მარტს, ავჭალის სარაგბო სტადიონზე ჩატარდება - მეტოქე პორტუგალია, რუმინეთი ან გერმანია იქნება.
