ბორმუნთის თინეიჯერმა ვარსკვლავმა არსენალს გაუტანა

მატჩში, რომელმაც შესაძლოა პრემიერ ლიგის საჩემპიონო რბოლის ბედი გადაწყვიტოს, ემირეიტსზე ანგარიში ბორნმუთის თინეიჯერმა გახსნა.

ჟუნიორ კრუპიმ ბურთი ცარიელ კარში მას შემდეგ მოათავსა, რაც ადრიენ ტრიუფერის ჩაწოდება უილიამ სალიბამ წარუმატებლად მოიგერია და ბურთი პირდაპირ ფორვარდს მიუვიდა.

ეს უკვე მეორე შემთხვევაა ამ სეზონში, როდესაც 19 წლის ფეხბურთელმა მეთოფეების კარი დალაშქრა (მან იანვარში გამართულ შეხვედრაშიც გაიტანა, რომელიც ბორნმუთმა 2:3 წააგო). ამით ფეხბურთელმა ინგლისში თავისი ბრწყინვალე სადებიუტო სეზონი განაგრძო.

კრუპი გასავარდნ ზონაში მყოფი ლორიანიდან გასულ ზაფხულს შეიძინეს. თავიდან მოლოდინი იყო, რომ ის ევანილსონის შემცვლელი იქნებოდა, თუმცა რეალობა სხვაგვარი აღმოჩნდა. დღეს ის ბორმუნთის საუკეთესო ბომბარდირია და ბოლო 26 წლის განმავლობაში პრემიერ ლიგის გამორჩეული თინეიჯერი გახდა.

ჟუნიორ კრუპი არის პირველი თინეიჯერი, რომელმაც სადებიუტო პრემიერ ლიგის სეზონში 10 ან მეტი გოლი გაიტანა 1999-00 წლების სეზონის შემდეგ, როდესაც მსგავსი შედეგი რობი კინმა (ქოვენთრი სიტი, 12 გოლი) აჩვენა.

არსენალი ანდონი ირაოლას გუნდთან პირველ წრეშიც აგებდა, თუმცა მაშინ თამაშის შემოტრიალება და მოგება შეძლო. ამჯერადაც, მათ წონასწორობა ვიქტორ გიოკერეშის გოლით მალევე აღადგინეს. შეძლებს თუ არა ბორნმუთი საჩემპიონო ბრძოლის არევას?