ბრაზილია-ნორვეგია - სიახლეები და სავარაუდო შემადგენლობები

2026 წლის მსოფლიო ჩემპიონატის მერვედფინალში ბრაზილიისა და ნორვეგიის ნაკრებები ერთმანეთს ნიუ-ჯერსის სტადიონზე დაუპირისპირდებიან.

მატჩი თბილისის დროით 5 ივლისს, 00:00 საათზე გაიმართება. ამ წყვილის გამარჯვებული მეოთხედფინალში ინგლისსა და მექსიკას შორის საუკეთესოს შეხვდება.

კარლო ანჩელოტის გუნდს მნიშვნელოვანი დანაკლისი აქვს - ლუკას პაკეტამ მარცხენა ბარძაყის ტრავმა მიიღო იაპონიასთან მატჩში და შეხვედრას გამოტოვებს. კარგი ამბავია, რომ რაფინიამ ვარჯიში განაახლა, თუმცა ის სათადარიგო სკამზე დარჩება. ნეიმარი სრულ მზადყოფნაშია, ხოლო კაზემირომ სამედიცინო შემოწმება გაიარა და თამაშს შეძლებს. პაკეტას ადგილს ნახევარდაცვაში სავარაუდოდ დანილო სანტოსი ან ენდრიკი დაიკავებენ.

სტალე სოლბაკენის გუნდს მარჯვენა მცველის, ჯულიან რაიერსონის თამაშთან დაკავშირებით აწუხებს ეჭვი (ბარძაყის ტრავმა). მის ადგილს სავარაუდოდ მარკუს პედერსენი დაიკავებს. ერლინგ ჰალანდმა აღიარა, რომ გარკვეული ფიზიკური დაღლილობა აქვს, თუმცა ის მზადაა გუნდს სათავეში ჩაუდგეს. ნორვეგია ტრადიციული 4-3-3 ტაქტიკით ითამაშებს.

სავარაუდო შემადგენლობები

ბრაზილია: ალისონი, დანილო, მარკინიოსი, გაბრიელი, დუგლას სანტოსი, გიმარაეში, კაზემირო, დანილო სანტოსი, რაიანი, კუნია, ვინისიუს ჟუნიორი.

ნორვეგია: ნილანდი, პედერსენი, აიერი, ჰეგემი, ვოლფი, ოდეგორი, ბერგე, ბერგი, სორლოტი, ჰოლანდი, ნუსა.