ჩაკვეტაძის 74 წუთი - უოტფორდმა სანდერლენდი დაამარცხა

ინგლისის ჩემპიონშიფის მე-7 ტურში უოტფორდმა საკუთარ მოედანზე სანდერლენდი მიიღო. სასტარტო შემადგენლობაში იყო გიორგი ჩაკვეტაძე.

პირველი ტაიმი უოტფორდმა მინიმალური ანგარიშით მოიგო. 28-ე წუთზე ანგარიში ფესტი ებოსელემ გახსნა. 45-ე წუთზე ჩაკვეტაძემ ჯობ ბელინგემს ყვითელი ბარათი აჰკიდა.

მეორე ტაიმის სტარტზე სანდერლენდმა ანგარიში გაათანაბრა. გოლი უილსონ ისიდორმა გაიტანა.

84-ე წუთზე სტუმართა კარის მიმართულებით პენალტი დაინიშნა, რომელიც დელე-ბაშირუმ შეასრულა ზუსტად და ტომ კლევერლის გუნდს 3 ქულა მოუტანა.

გიორგი ჩაკვეტაძემ მოედანზე 74 წუთი გაატარა და Sofascore-სგან 7,3 შეფასება დაიმსახურა. ქართველის 30 პასიდან 27 ზუსტი იყო, მისი 5 დრიბლინგიდან კი 3 წარმატებული. 

უოტფორდს 7 მატჩის შემდეგ 13 ქულა აქვს და ჩემპიონშიფში მე-7 ადგილზეა, პირველ ადგილზე კი ვესტ ბრომვიჩია 16 ქულით.