ჩავი ინდოეთის ნაკრებს არ ჩაიბარებს.
ესპანელმა სპეციალისტმა ინდოეთის საფეხბურთო ნაკრებთან რაიმე მოლაპარაკებები კატეგორიულად უარყო.
ასეთი ინფორმაცია გუშინ გაჩნდა - იწერებოდა, რომ ჩავიმ ინდოეთის ნაკრების გაწვრთნაზე მოთხოვნა გააგზავნა, თუმცა ფინანსური საკითხის გამო შეთანხმების მიღწევა ვერ მოხერხდა.
ფაბრიციო რომანოს ინფორმაციით, 45 წლის სპეციალისტს ინდოელებთან არანაირი მოლაპარაკებები არ გაუმართავს.
ჩავის სამწვრთნელო საქმიანობაში ახალი სეზონიდან ნამდვილად სურს დაბრუნება, თუმცა კონკრეტული განაცხადი რომელიმე ნაკრების გაწვრთნაზე არ გაუგზავნია.
