ბარსელონას პრეზიდენტმა, ჟოან ლაპორტამ ჩავის გუნდიდან წასვლაზე ისაუბრა.
„ჩავის თვითონვე ჰქონდა გამოცხადებული, რომ სეზონის ბოლოს წავიდოდა. შემდეგ მთხოვა, შევხვედროდი ჩემს სახლში, რათა აეხსნა, რომ სინამდვილეში მას დარჩენა სურდა და ამას საჭიროებად თვლიდა.
მე მას მხოლოდ ერთი კითხვა დავუსვი: „ჩავი, გჯერა ამ გუნდის?“ მან მიპასუხა: „100%-ით მჯერა, ამ ფეხბურთელებს ჩემპიონებად ვაქცევ."
ერთ კვირაში კი პრესკონფერენციაზე მოვისმინე, როგორ თქვა, რომ მას და გუნდს კონკურენტუნარიანად გახდომისთვის ორი წელი დასჭირდებოდათ. ვიფიქრე: „ეს რა არის?“
შემდეგ ის დეკუს ესაუბრა პირველ გუნდში რამდენიმე მოთამაშის შეცვლის შესაძლებლობაზე. იცით, რომ ჩავის ძალიან დიდ პატივს ვცემ და მისმა სიტყვებმა ძალიან იმოქმედა ჩემზე.
იქამდე რთული გადაწყვეტილებები მიგვიღია მესის, ალბას, ბუსკეტსის, პიკეს, თვითონ ჩავისა და კუმანის შემთხვევაშიც… მაგრამ ბარსაში ინსტიტუცია ყოველთვის პირველია. ის ფეხბურთელებზე, პრეზიდენტებზე და მწვრთნელებზე მაღლა დგას.“ - განაცხადა ლაპორტამ.
