ჩავი: „მესი თითქმის არაადამიანია, მისი ყურების დროს მხოლოდ სიცილი შემიძლია"

ბარსელონას ყოფილმა ნახევარმცველმა და მწვრთნელმა, ჩავიმ ლეო მესის შეუდარებელი უწოდა.

„არანაირი ეჭვი არ არსებობს, რომ არგენტინა ტურნირის გადამწყვეტ ეტაპებამდე მიაღწევს. ჩვენ საუკეთესო მესის ვიხილავთ.

ეს მისი მომენტია. ის ამისთვის მენტალურად ემზადებოდა, მიუხედავად იმისა, რომ ბევრი მის არასახარბიელო ფიზიკურ ფორმაზე საუბრობდა და ამბობდა, რომ ის უკვე ძველი მესი აღარ არის, ის მოედანზე გადის და ჰეთ-თრიკს ასრულებს.

ალჟირთან მატჩის შემდეგ ლეოს მივწერე. ვუთხარი, რომ ის უბრალოდ წარმოუდგენელია და მისი თამაშის ყურებისას მხოლოდ სიცილი თუ შემეძლო. ეს იყო სიგიჟე, ნამდვილი სიგიჟე.

მაგრამ ეს არის ლეო. ის ყოველთვის ყველაზე საჭირო მომენტში ჩნდება. ჩემთვის ის შეუდარებელია. შეუდარებელი. თითქმის არადამიანი“, – განაცხადა ჩავიმ.