ჩელსის ყოფილი ნახევარმცველი ოსკარი ჰოსპიტალიზებულია

ჩელსის და ბრაზილიის ნაკრების ყოფილი ნახევარმცველი, ოსკარი გულის პრობლემების გამო საავადმყოფოში გადაიყვანეს.

„2026 წლის სეზონისთვის მზადების პროცესში, სამშაბათს, 11 ნოემბრის დილას ჩატარებული სამედიცინო შემოწმების შედეგად, ოსკარს გულის პრობლემები აღმოუჩინეს. ალბერტ ენშტეინის კლინიკის სპეციალისტებმა და სამედიცინო ბრიგადამ ფეხბურთელს დროული დახმარება აღმოუჩინეს.

ფეხბურთელი საავადმყოფოში გადაიყვანეს, სადაც დღემდე იმყოფება. მისი მდგომარეობა სტაბილურია, ის ექიმების მეთვალყურეობის ქვეშ იმყოფება და უახლოეს პერიოდში დამატებითი გამოკვლევები ჩაუტარდება." - ნათქვამია ბრაზილიური სან პაულოს განცხადებაში.

სან პაულოს ოსკარი წელს შეუერთდა, იქამდე კი 7 წლის განამვლობაში ჩინური შანხაი პორტის რიგებში თამაშობდა.