UFC-ის მებრძოლმა, მაიკლ ჩენდლერმა არიელ ჰელუანისთან ინტერვიუში ილია თოფურიაზე ისაუბრა.
"ამ მომენტისთვის ილია შესაძლოა ყველაზე შთამბეჭდავი MMA მებრძოლი იყოს მთელ პლანეტაზე.
მომწონს, რომ თოფურია ტიტულების მოგებასა და მეტოქეებზე დომინაციას MMA-ის საფუძვლებით ახერხებს - კარგი ჯები, მარჯვენა ოვერჰენდი რომელსაც მარცხენა ჰუკი მოჰყვება, ფეხში დარტყმები, კარგი დისტანცია და რაც ყველაზე მნიშვნელოვანია, მოთმინება.
ის ოქტაგონზე კომფორტულადაა და ზუსტად იცის, როდის გამოიყენოს დარტყმები და როდის გაატაროს კომბინაციები.
ის საოცარია. ვერ ვხედავ, რომ უახლოეს პერიოდში მან წააგოს." - განაცხადა ამერიკელმა მებრძოლმა ჰელუანისთან საუბარში.
