კანზას სიტიში UFC-ის საბრძოლო ღამის წინ მებრძოლებმა აწონვის პროცედურა გაიარეს, მათ შორის იყვნენ ქვემსუბუქი დივიზიონის დაპირისპირების მონაწილეები - გიგა ჭიკაძე და დავიდ ონამა.
ქართველი მებრძოლი დასაშვებ 146 ფუნტს (66.2 კგ) 1 ფუნტით გადასცდა და 147 ფუნტი (66.7 კგ) დააფიქსირა, თუმცა ეს ბრძოლის ჩატარებაზე გავლენას არ იქონიებს.
ჭიკაძისა და ონამას დაპირისპირება 27 აპრილს ჩვეულებრივ შედგება, უბრალოდ გიგას ანაზღაურებიდან 20%-ის დათმობა მოუწევს.
გიგას MMA რეკორდი 15 მოგებასა და 4 წაგებას ითვლის. მან ბოლო ბრძოლა 2024 წლის ივლისში არნოლდ ალენის წინააღმდეგ ჩაატარა და დამარცხდა, თუმცა ამას თავისი მიზეზი ჰქონდა. ჭიკაძემ პირველი რაუნდი მოიგო, შემდეგ კი ტრავმა მიიღო და ბრძოლის სათანადოდ გაგრძელება ვეღარ შეძლო. გიგა ონამასთან მოგებით გამარჯვების გზას დაუბრუნდება და უფრო მაღალი მიზნებისთვის იბრძოლებს.
"ჩემი მოტივაცია ყოველთვის იყო წარმომეჩინა ქართული სული" - ექსკლუზიური ინტერვიუ გიგა ჭიკაძესთან
ონამას MMA რეკორდი კი 13 მოგება და 2 წაგებაა. წარმოშობით უგანდელი მებრძოლი ქვემსუბუქი დივიზიონის რეიტინგში არ არის, თუმცა ის ტოპ 15-ში მოსახვედრად იბრძვის და გიგასთან მოგების შემთხვევაში ეს მისთვის სერიოზული განაცხადი იქნება.
ვინ არის გიგა ჭიკაძის მომდევნო მეტოქე UFC-ში?
ღონისძიების მთავარ ბრძოლაში ქვესაშუალო წონის დაპირისპირება შედგება, სადაც იან მაჩადო გარი და კარლოს პრატესი იბრძოლებენ.
მეინ ქარდი 27 აპრილს, 05:00 საათზე დაიწყება.
