ილია თოფურიამ სოციალურ ქსელში პოსტი გამოაქვეყნა.
,,ხასიათი მაშინ არ ყალიბდება, როცა ყველაფერი შენს სასარგებლოდ მიდის. ის მაშინ მტკიცდება, როცა ყველაფერი ისე არ ხდება, როგორც გინდა.
ერთადერთი გამარჯვება, რომელსაც ვერავინ წაგართმევს, შენი ხასიათია.
ჩვენ დავბრუნდით!!!" - წერს ქართველი მებრძოლი ინსტაგრამზე და დებს ვიდეოს, სადაც თავის შვილს, ჰუგოს მიმართავს.
„ჰუგო, ბოლო რამდენიმე დღეა შენზე ვფიქრობ. ვფიქრობ იმაზე, რას გრძნობდი, როცა დაინახე, როგორ დავეცი. ვიცი, რომ ამან გატკინა...
მაგრამ ამავდროულად მიხარია, რომ ეს ყველაფერი ერთად გამოვიარეთ. იმიტომ, რომ იმ დღემ ორივე უფრო ძლიერი გაგვხადა.
წაგება არ არის მთავარი. მთავარი ისაა, როგორ აგებ.
ვფიქრობ, ღმერთს უნდოდა, რომ ეს მომენტი გამომევლო... რათა ჩემთვის ისეთი რამ ესწავლებინა, რასაც ვერცერთი გამარჯვება ვერ მასწავლიდა.
ხასიათი მაშინ არ ვლინდება, როცა ყველაფერი შენს სასარგებლოდ მიდის. ის მაშინ ჩანს, როცა ცხოვრება ყველაზე მძიმე დარტყმას გაყენებს.
და იცი, რა აღმოვაჩინე? ამ ჯოჯოხეთის გავლის შემდეგ იმაზე ძლიერი ვარ, ვიდრე მანამდე ვიყავი.
ჩემპიონი ის არ არის, ვინც არასდროს ეცემა. ჩემპიონი ისაა, ვინც ყოველთვის პოულობს მიზეზს, რომ ისევ წამოდგეს.“ - ამბობს ილია ვიდეოში.
შეგახსენებთ, რომ ილია თოფურიამ ივნისში, თეთრი სახლის ღონისძიებაზე, კარიერაში პირველი მარცხი ჯასტინ გეიჯის წინააღმდეგ განიცადა.
