კონორ მაკგრეგორის UFC-ში დაბრუნების მოლოდინში, გულშემატკივრები ვარაუდობენ, რომ ბრძოლის ოფიციალური გამოცხადება შესაძლოა სტრატეგიულად სწორედ ამ უქმეებზე მოხდეს.
მიზეზი Netflix-ზე დაგეგმილი MVP MMA-ის ისტორიული ივენთია, სადაც რონდა რაუზი, ჯინა კარანო, ფრენსის ნგანუ და ნეიტ დიასი ჩხუბობენ. მასშტაბებით ეს შოუ აშკარად ჩრდილავს პარალელურად მიმდინარე UFC Vegas 117-ს.
ფანები ფიქრობენ, რომ დეინა უაითი „ძველი სკოლის“ ტაქტიკას მიმართავს და მაკგრეგორი ჰოლოუეი 2-ის საუკუნის რევანშს ზუსტად Netflix-ის ტრანსლაციის დროს გამოაცხადებს, რათა კონკურენტებს ყურადღება წაართვას. გულშემატკივრების აზრით, პრომოს გაშვება რონდა რაუზის ოქტაგონზე გამოსვლის მომენტში „ლეგენდარული ტროლინგი“ იქნება.
ცნობილმა რეპორტიორმა, არიელ ჰელვანიმ დაადასტურა, რომ UFC-სთვის მსგავსი ბოღმიანი და ეფექტური სვლები უცხო არ არის. ორგანიზაციამ ზუსტად ასე ჩაუშალა პიარი PFL-ს 2023 წელს, როდესაც მათ ფრენსის ნგანუს გაფორმება გამოაცხადეს, UFC-მ იმავე დღეს შონ ომალისა და ალჯამეინ სტერლინგის სატიტულო ბრძოლა დააანონსა.
