დემბელე თავის კაპიტანს იცავს.
პსჟ-ს და საფრანგეთის ნაკრების თავდამსხმელი, უსმან დემბელე რეალის ფრანგი ფორვარდის, კილიან მბაპეს მიმართ არსებულ კრიტიკას უსამართლოდ მიიჩნევს:
„მას ძალიან უსამართლოდ ეპყრობიან. კილიანის კრიტიკა ზედმეტად შორს მიდის, რადგან ის წარმოუდგენელი ფეხბურთელია. მოედნის მიღმა კი შესანიშნავი ადამიანია, მას დიდი ხანია ვიცნობ.
ზოგჯერ კრიტიკაში აშკარად აჭარბებენ, უბრალოდ იმიტომ, რომ ის კილიან მბაპეა. არ ღირს მის მიმართ ასეთი სიმკაცრის გამოჩენა.
ბუცების თასმებს იკრავს თუ არა, გეტრებს მაღლა ქაჩავს თუ საერთოდ არ იცვამს... ეს უკვე მეტისმეტია. ის ხომ მაინც ადამიანია და, ამავდროულად, გამორჩეული დონის მოთამაშე. ნებისმიერ შემთხვევაში, აქ, საფრანგეთის ნაკრებში, ის ჩვენთან თავს ძალიან კარგად გრძნობს.
კილიანი ლიდერია, ჩვენი გუნდის კაპიტანი და უმნიშვნელოვანესი ფეხბურთელი“, - განაცხადა დემბელემ.
