გამთენიისას ბარსელონასა და მან სიტის შორის აშშ-ში ამხანაგური მატჩი გაიმართა. შეხვედრა ფრედ 2:2 დასრულდა, პენალტებში კი ბარსელონამ 4:1 იმარჯვა.
ეს კატალონიელთა პირველი მატჩი იყო გერმანელი ჰანსი ფლიკის ხელმძღვანელობით და პეპ გვარდიოლამ ბარსელონას თამაში მოიწონა.
„ბარსელონას თამაში ძალიან მომეწონა. სეზონი ხანგრძლივი იქნება, მაგრამ ძალიან კარგები იყვნენ.
დიდებული პოზიციური თამაში იყო, ვინგერები მოქმედებდნენ ისე, როგორც უნდა მოქმედებდნენ ვინგერები - წინ მიდიოდნენ. ფლანგის მცველები კი თავისუფალ სივრცეებს ავსებდნენ და უტევდნენ." - აღნიშნა ესპანელმა სპეციალისტმა.
