დიდი მატჩის დღე - თბილისური დერბი თბილისობას

დღეს, 4 ოქტომბერს, თბილისის დროით 19:00 საათზე, მიხეილ მესხის სახელობის სტადიონზე თბილისური დერბი გაიმართება.

ქვეყნის მოქმედი ჩემპიონი და დაკარგული ქულების მიხედვით მიმდინარე ცხრილის ლიდერი იბერია 1999 თემურ ქეცბაიას დინამო თბილისს უმასპინძლებს.

2026 წელს საქართველოში თბილისობა 3/4 ოქტომბერს აღინიშნება და ამ დღეს თბილისური დერბის ჩატარებას დამატებითი ხიბლი ეძლევა.

თუმცა, აღნიშნულ შეხვედრას არც სპორტული კუთხით აკლია მოტივაცია და მნიშვნელობა - ორივე გუნდი საჩემპიონო ბრძოლას აწარმოებს და დღევანდელი მატჩის მოგების შემთხვევაში, ჩემპიონატის დასრულებამდე 10 ტურით ადრე, ცხრილში ერთპიროვნულად გალიდერდება.

26 გამართული მატჩის შმედეგ იბერია 46 ქულით მეორე ადგილზეა, დინამო თბილისი კი 45 ქულით მეოთხეზე. ამ ეტაპზე ლიდერი ბათუმის დინამოა, რომელსაც 27 მატჩში 47 ქულა აქვს.

2026 წელს გუნდებს შორის უკვე სამი მატჩი გაიმართა - ერთი თასის ნახევარფინალში და ორი ეროვნულ ლიგაში - გუნდებმა თითო გამარჯვება მოიპოვეს, ერთი მატჩი კი ფრედ 0:0 დასრულდა.

თბილისობას დედაქალაქის ქუჩებში გასეირნებისა და გემრიელი მწვადის მირთმევის შემდეგ, რა იქნება იმაზე უკეთესი, ვიდრე სტადიონზე წასვლა და კარგი და რაც მთავარია, მნიშვნელოვანი და პრინციპული თამაშის ყურებაა? ნუ გადადებ ამ საქმეს - გადადი ლინკზე, იყიდე ბილეთები და დაესწარი კარგ ფეხბურთს.

მითუმეტეს, რომ სტადიონზე მისვლით შესაძლოა სწორედ შენ გახდე იღბლიანი გამარჯვებული იმ დიდებული პრიზების, რომელიც თამაშზე მისულ გულშემატკივრებს შორის გათამაშდება. 

სტადიონზე მისულ გულშემატკივრებს გელოდებათ გრანდიოზული გათამაშება - გამოვლინდება 10 გამარჯვებული, რომლებსაც არაერთი პრიზის მოგების შანსი ექნებათ: PlayStation 5, ელექტრო სკუტერი, AirPods, იბერიას მერჩი, ბურთები.

ასევე, ავტომატურად მონაწილეობას მიიღებთ სეზონის მთავარ გათამაშებაში, სადაც გათამაშდება ახალი Audi Q5, ორკაციანი საგზური, ფულადი პრიზები და სხვა საჩუქრები.

ბილთები კი აქ დაჭერით შეგიძლია შეიძინო