10 აგვისტოს, ლას ვეგასში, UFC Apex-ში მორიგი საბრძოლო საღამო გაიმართება, რომლის მთავარ ბრძოლაშიც ერთმანეთს რომან დოლიძე და ენტონი ერნანდესი დუაპირისპირდებიან.
დოლიძეს (15-3) ზედიზედ 3 ბრძოლა აქვს მოგებული, მათ შორის ბოლო კი მარვინ ვეტორის წინააღმდეგ მოიგო ერთსულოვანი გადაწყვეტილებით, მარტში.
ერნანდესს (14-2) კი შვიდმოგებიანი სერია უმაგრებს ზურგს. მან ბოლო ბრძოლა თებერვალში ბრენდან ალენს მოუგო ასევე ერთსულოვანი გადაწყვეტილებით, იქამდე კი მის ანგარიშზე ზედიზედ 4 ფინიში იყო.
დოლიძისა და ერნანდესის დაპირისპირება გასულ წელს უნდა შემდგარიყო, თუმცა ბრძოლა ერნანდესის ხელის ტრავმის გამო ჩაიშალა.
ESPN-ის ანალიტიკოსმა, დინ ტომასმა ბრძოლასთან დაკავშირებით საკუთარი პროგნოზი დააფიქსირა.
"მე არჩევანს ანდერდოგზე გავაკეთებ, იმის მიუხედავად, რომ ხანდახან დოლიძეს ვერ ვენდობი. ვფიქრობ, მას საუკეთესო დაცვა აქვს MMA-ში. თუ მას წააქცევენ, ეს სერიოზული ამბავი არ არის.
მას არც კი სჭირდება თეიქდაუნის წინააღმდეგ ბრძოლა, რადგან მიწაზე ახალი პრობლმები მხოლოდ ერნანდესს ექნება. დოლიძის დაცვა ერნანდესს პრობლემებს გაუჩენს." - ამბობს დინ ტომასი
ESPN-ის ანალიტიკოსის თქმით, დოლიძე ბრძოლას საბმიშენით მოიგებს.
UFC Vegas 109-ის მეინ ქარდი 03:00 საათზე დაიწყება.
ბრძოლას წინ აღარაფერი უდგას! დოლიძის მეტოქემ წონა მეორე ცდით ჩააბარა
