„მანჩესტერ სიტის“ მეკარე ჯანლუიჯი დონარუმა პრემიერლიგაში აღკვეთილი გოლების მაჩვენებლით მე-18 ადგილზეა.
იტალიელ მეკარეს მიმდინარე სეზონში გოლების აღკვეთის უარყოფითი მაჩვენებელი აქვს - მინუს 1.4 (საშუალოდ – მინუს 0.12 თითო თამაშში). ამ მონაცემით დონარუმა პრემიერლიგის მეკარეებს შორის 29-დან მხოლოდ მე-18 პოზიციას იკავებს.
ჩემპიონატში ამ მაჩვენებლით საუკეთესო კრისტალ პალასის კარის დარაჯი დინ ჰენდერსონია - 3.6 აღკვეთილი გოლი, ყველაზე დაბალი შედეგი კი ბორნმუთის ჯორჯე პეტკოვიჩს აქვს (მინუს 4.3).
მიმდინარე სეზონში დონარუმამ მან სიტის მაისურით პრემიერ ლიგაში 11 მატჩი ჩაატარა და 12 გოლი გაუშვა.
შეგახსენებთ, რომ იტალიელი სიტის გასულ ზაფხულს, პსჟ-დან შეუერთდა.
