ძალების აღდგენა სჭირდება - ჯოკოვიჩი დოჰაში არ ითამაშებს

ნოვაკ ჯოკოვიჩი დაღლილობის გამო მომავალ კვირას დოჰაში გასამართ Qatar ExxonMobil Open-ს ჩაეხსნა. ინფორმაცია ტურნირის ორგანიზატორებმა ოფიციალურად გამოაცხადეს.

38 წლის ჩოგბურთელი ავსტრალიის ღია პირველობის შემდეგ პირველად უნდა გამოჩენილიყო, თუმცა, სულ მცირე, 23 თებერვლამდე დაისვენებს.

ჯოკოვიჩი გასულ თვეში ავსტრალიის ღია პირველობის ფინალში კარიერაში მე-11-ედ გავიდა და სატიტულო შეხვედრა პირველად დათმო - მსოფლიოს პირველ ჩოგან კარლოს ალკარასთან 4 სეტში დამარცხდა.

ალკარასი და იანიკ სინერი დოჰაში ორშაბათს დასაწყებ ტურნირზე პირველ და მეორე ნომრებად იასპარეზებენ.