სერია ა-ს მესამე ტურში საოცარი დერბი დ'იტალია ვიხილეთ.
ტურინში ერთმანეთს იუვენტუსი და ინტერი დაუპირისპირდნენ და საოცარ ბრძოლაში მასპინძლებმა 4:3 მოიგეს.
პირველი ტაიმი იუვეს გამარჯვებით 2:1 დასრულდა - კელის (14') და ილდიზის (38') გოლებს ინტერის მხრიდან ჩალჰანოღლუმ (30') უპასუხა.
მთავარი დრამა კი მეორე ნახევარში შედგა - 65-ე წუთზე ჩალჰანოღლუმ დუბლი მიითვალა და ანგარიში გაათანაბრა. 76-ე წუთზე მარკუს ტურამმა ინტერის წინ გაყვანაც მოახერხა, თუმცა ამით არაფერი დამთავრებულა.
83-ე წუთზე მარკუსის ძმამ, ქეფრენმა შეძლო თავის გამოჩენა და ანგარიში მატჩში კიდევ ერთხელ გაათანაბრა. საბოლოოდ, გამარჯვება იუვემ 90+1 წუთზე, ვასილიე ადზიჩის გოლით მოიპოვა.
იუვე ასპროცენტიან სვლას აგრძელებს და 9 ქულა დააგროვა, ინტერმა კი სერია ა-ში ზედიზედ მეორე მატჩი წააგო და 3 მატჩის შემდეგ მხოლოდ 3 ქულა აქვს.
