მსოფლიოს უძლიერესი ადამიანის ტიტულის მფლობელი ედი ჰოლი მოახლოებულ თეთრი სახლის ღონისძიებას ყურადღებით ადევნებს თვალს.
მიუხედავად იმისა, რომ ექსპერტთა უმრავლესობა ილია თოფურიას აშკარა ფავორიტად მიიჩნევს, ჰოლიმ მოულოდნელი პროგნოზი გააკეთა და მხარი ჯასტინ გეიჯის დაუჭირა:
მე არ ვიცნობ მეორე ბიჭს [თოფურიას]... ჯასტინ გეიჯიმ კი არაერთხელ აჩვენა, რომ შეუძლია ყველას საპირისპირო დაუმტკიცოს და კრიტიკოსები გააჩუმოს.
ჰოლის არგუმენტი მარტივია: გეიჯის უნარი - შეძლოს ეფექტური ქამბექი და გადალახოს აუტსაიდერის სტატუსი, მისი აზრით, ამ ბრძოლაში გადამწყვეტი იქნება. სარეიტინგო სააგენტოების მიხედვით, გეიჯი მართლაც მძიმე მდგომარეობაშია, თუმცა, „უძლიერესი ადამიანის“ პროგნოზმა გულშემატკივრებში კვლავ გააცოცხლა დისკუსია თოფურიას სიჩქარისა და გეიჯის გამოცდილების ჭიდილის შესახებ.
გარდა მთავარი ბრძოლისა, ედი ჰოლიმ მხარი ალექს პერეირასაც დაუჭირა სირილ განესთან დაპირისპირებაში, თუმცა აღნიშნა, რომ ამ ბრძოლაში გასათამაშებელი ქამრის მნიშვნელობა ოდნავ ბუნდოვანია, რადგან დივიზიონს ტომ ასპინალი მართავს.
