საქართველოს ეროვნული ლიგის მესამე წრის ბოლო ტური საინტერესო და შედეგიანი მატჩებით გაიხსნა.
პეტრიაშვილი არენაზე გამართული გაგრისა და ტყიბულის მეშახტეს დაპირისპირება ფრედ, 1:1 დასრულდა.
მასპინძლები ზურაბ ჭავჭანიძემ დააწინაურა, თუმცა კახა ჩხეტიანის გუნდმა ქულის გადარჩენა შეძლო, როდესაც 83-ე წუნზე გოლი მათე კვირკვიამ გაიტანა.
ძალიან დაძაბული და უხვგოლიანი გამოდგა წყალტუბოში გამართული მატჩი, სადაც სამგურალმა დინამო თბილისი მიიღო. პირველ ტაიმში მასპინძლები ლევან გეგეჩკორის დუბლით დაწინაურდნენ, მაგრამ თბილისელებმა მაქსიმ ტეიშეირასა და ჰალიდ დორტმურზიევის გოლებით წონასწორობა აღადგინეს.
შეხვედრის ბედი 74-ე წუთზე ნიკა ნინუას ზუსტმა დარტყმამ გადაწყვიტა, რომელმაც დინამოს 3:2 გამარჯვება მოუტანა. ამ წარმატებით თბილისურმა კლუბმა 45 ქულა დააგროვა და ტურნირის ცხრილში მეორე ადგილზე გადავიდა.
ცხრილი ამჟამად ასე გამოიყურება:
