ბარსელონას მთავარმა მწვრთნელმა ჰანსი ფლიკმა განაცხადა, რომ არ მოსწონს რეალთან ბოლო კლასიკოში განცდილი მარცხისთვის (1:2) „რევანშის“ თემაზე საუბარი.
11 იანვარს კატალონიური და მადრიდული გუნდები საუდის არაბეთში ესპანეთის სუპერთასის ფინალში შეხვდებიან ერთმანეთს.
„პირადად მე ასეთი საუბრები არ მომწონს. ეს მხოლოდ ერთი მატჩი იყო. ამის შემდეგ დავბრუნდით და ყურადღება იმაზე გავამახვილეთ, რაც აუცილებელი იყო. ბევრად უკეთ ვითამაშეთ და უკეთეს შედეგებსაც მივაღწიეთ. ეს უბრალოდ ერთი მატჩი იყო.
ჩვენ ბარსელონა ვართ და ყველაფრის მოგება გვინდა — ეს არის მთავარი. ვხედავ, რომ ჩემი გუნდი ძალიან კონცენტრირებულია.
სეზონის დასრულებამდე დიდი გზა რჩება. ხვალ მსოფლიოს ერთ-ერთი საუკეთესო გუნდის წინააღმდეგ ვითამაშებთ და უნდა ვაჩვენოთ, რისი გაკეთება შეგვიძლია“, — განაცხადა ფლიკმა.
მატჩი თბილისის დროით 23:00 საათზე გაიმართება.
