ესპანეთის გრან პრი მაკლარენის დუბლით და ვერსტაპენის ჯარიმით დასრულდა

ფორმულა 1-ში ესპანეთის გრან პრი გაიმართა, რომელიც მაკლარენის დუბლით დასრულდა.

რბოლის გამარჯვებული ოსკარ პიასტრი გახდა, მეორე ადგილზე ლანდო ნორისი გავიდა, პოდიუმზე მესამე ადგილი კი შარლ ლეკლერმა (ფერარი) დაიკავა.

ჯორჯ რასელთან (მერსედესი) ინციდენტის შედეგად 10-წამიანი ჯარიმა მიიღო მაქს ვერსტაპენმა (რედ ბული), რომელიც მე-10 ადგილზე დაქვეითდა და ამასთან ნიდერლანდელმა 3 საჯარიმო ქულა მიიღო.

სეზონში პირველი ქულები მოიპოვა ფერნანდო ალონსომ (ასტონ მარტინი), რომელმაც რბოლა მე-9 ადგილზე დაასრულა. ასევე გამოსარჩევია ნიკო ჰულკენბერგის (ზაუბერი) მე-5 ადგილიც, რომელმაც ლუის ჰამილტონს (ფერარი) გაუსწრო.

რბოლის ათეული და მოპოვებული ქულები ასე გამოიყურება:

1. ოსკარ პიასტრი (მაკლარენი) - 25 ქულა

2. ლანდო ნორისი (მაკლარენი) - 18 ქულა

3. შარლ ლეკლერი (ფერარი) - 15 ქულა

4. ჯორჯ რასელი (მერსედესი) - 12 ქულა

5. ნიკო ჰულკენბერგი (ზაუბერი) - 10 ქულა

6. ლუის ჰამილტონი (ფერარი) - 8 ქულა

7. ისაკ ჰაჯარი (რეისინგ ბულსი) - 6 ქულა

8. პიერ გასლი (ალპინი) - 4 ქულა

9. ფერნანდო ალონსო (ასტონ მარტინი) - 2 ქულა

10. მაქს ვერსტაპენი (რედ ბული) - 1 ქულა

ესპანეთის გრან პრის შემდეგ მრბოლელთა საჩემპიონო დავაში პიასტრი ნორისს 10 ქულით უსწრებს:

1. ოსკარ პიასტრი - 186 ქულა

2. ლანდო ნორისი - 176 ქულა

3. მაქს ვერსტაპენი - 137 ქულა

4. ჯორჯ რასელი - 111 ქულა

კონსტრუქტორთა დავაში კი მაკლარენი დამაჯერებლად ლიდერობს:

1. მაკლარენი - 362 ქულა

2. ფერარი  165 ქულა

3. მერსედესი - 159 ქულა

4. რედ ბული - 144 ქულა

მომდევნო გრან პრი კანადაში 13-15 ივნისს გაიმართება.