ლანდო ნორისმა ფორმულა 1-ის მე-11 ბრიტანელ მსოფლიო ჩემპიონად გახდომის პატივზე ისაუბრა.
„საოცარია… მე ვასპარეზობ ჩემი ქვეყნისთვის და ჩემი ერისთვის. იმედი მაქვს, რომ ბევრი ადამიანი გავახარე მსოფლიოს გარშემო. ლუისი ამ ყველაფრის მწვერვალზე ძალიან ბევრი წლის განმავლობაში იყო და მგონია, თითქოს ამ ისტორიის გაგრძელებაში პატარა წვლილი მეც შემაქვს, რაც შესანიშნავი შეგრძნებაა.
ლუისს ბავშვობიდან ვუყურებდი და ის ძალიან მიყვარს. ხუთშაბათ საღამოს, ვახშმის შემდეგ მივწერე და მან რჩევები გამომიგზავნა, რომ დახმარებოდა. ამას ძალიან ვაფასებ და მსიამოვნებს.
უბრალოდ ის ფაქტი, რომ ჩემს სახელს მის გვერდით ვხედავ, სიგიჟეა, რადგან მის ყურებაში გავიზარდე. ახლა კი იმას ვახერხებ, რომ მის წინააღმდეგ ვასპარეზობ. ზოგჯერ ის მეხმარება და რთულ მომენტებში მხარს მიჭერს. ეს დიდ ბედნიერებას მანიჭებს.“ - განაცხადა ფორმულა 1-ის ახალმა ჩემპიონმა.
ნორისი F1-ის ისტორიაში 35-ე ჩემპიონია - 2025 წლის სეზონის შეჯამება
