ფოტო: ახალი ვარსკვლავური წყვილი? ჰამილტონი და კარდაშიანი ერთად გამოიჭირეს

გავრცელებული ხმების თანახმად, ლუის ჰამილტონსა და კიმ კარდაშიანს შორის ჩუმი რომანი იწყება.

ბრიტანული მედიის ცნობით, ამერიკელი ვარსკვლავი გაერთიანებულ სამეფოში ჩავიდა, რათა კოტსუოლდსში ფორმულა 1-ის 7-გზის ჩემპიონთან რომანტიკული უიქენდი გაეტარებინა.

45 წლის კიმი შაბათ შუადღეს ოქსფორდის აეროპორტში თავისი კერძო თვითმფრინავით ჩაფრინდა და დაცვის წევრების თანხლებით უმაღლესი კლასის რეზიდენცია Estelle Manor-ში გაემართა.

41 წლის ლუის ჰამილტონი მას დაახლოებით ერთი საათის შემდეგ შეუერთდა და ლონდონიდან ვერტმფრენით ჩავიდა. ცნობების მიხედვით, წყვილმა სასტუმროს კერძო ვახშმითა და სპა-სერვისით ისარგებლა.

The Sun-ის წყაროს განცხადებით, ატმოსფერო ძალიან რომანტიკული იყო და მათ სრულად გამოიყენეს ექსკლუზიური სერვისები, რომელსაც კურორტი სთავაზობდა. დაახლოებით 24-საათიანი ყოფნის შემდეგ, კიმმა და ლუისმა ადგილი კვირა დილით დატოვეს და მედიის ყურადღებას თავი აარიდეს.

ლუის ჰამილტონისა და კიმ კარდაშიანის შესაძლო რომანის შესახებ ინფორმაციას და ფოტო-მასალას სხვა ტაბლოიდებიც, მათ შორის TMZ ავრცელებს.