საფეხბურთო ანალიტიკურმა პლატფორმა Football Meets Data-მ (FMD) ერთა ლიგის B დივიზიონის მეორე ჯგუფში პირველი ტურის მატჩების შემდეგ განახლებული პროგნოზი გამოაქვეყნა.
საქართველოს ნაკრებისა და ჩრდილოეთ ირლანდიის დაპირისპირების (0:1) შემდეგ, პლატფორმამ ეროვნული გუნდის პოზიციები მკვეთრად შეცვალა.
თუ სეზონის დაწყებამდე FMD საქართველოს ჯგუფში მესამე პოზიციასა და შესაბამისად, ადგილის შენარჩუნებას უწინასწარმეტყველებდა, ჩრდილოეთ ირლანდიასთან მარცხისა და უკრაინის მიერ უნგრეთის დამარცხების შემდეგ, ვითარება შეიცვალა. ახლა ანალიტიკური პლატფორმა საქართველოს ჯგუფში ბოლო, მეოთხე ადგილის მთავარ კანდიდატად მიიჩნევს.
პროგნოზის თანახმად, განახლებული მონაცემები ასე გამოიყურება:
საქართველოს ნაკრების პოზიცია: მე-3 ადგილიდან მე-4 ადგილამდე დაქვეითდა.
მოსალოდნელი ქულა: 7.6-დან 5.9-მდე შემცირდა.
მომდევნო შესაძლო ეტაპი: C ლიგაში გავარდნის თავიდან ასაცილებლად, გუნდს B/C დივიზიონის პლეი-დაუნში (პლეი ოფში) მოუწევს თამაში.
გამოცემის პროგნოზით, დივიზიონის ოთხ ჯგუფში ბოლო პოზიციებზე რუმინეთი, ისრაელი, საქართველო და ჩრდილოეთ მაკედონია გავლენ, რომლებიც პლეი-დაუნში სავარაუდოდ ფინეთს, სომხეთს, ბულგარეთსა და კოსოვოს დაუპირისპირდებიან.
მიუხედავად რთული სტარტისა, ერთა ლიგის ჯგუფური ეტაპი გრძელდება – 28 სექტემბერს საქართველოს ნაკრები საკუთარ მოედანზე ჯგუფის ფავორიტ უკრაინას უმასპინძლებს.
