მანჩესტერ იუნაიტედის ყოფილმა მცველმა გარი ნევილმა განაცხადა, რომ მაიკლ კერიკი მთავარი მწვრთნელის პოსტზე მაქსიმუმ მიმდინარე სეზონის ბოლომდე უნდა დარჩეს.
„იმედი მაქვს, რომ მას ყველაფერი გამოუვა. თუმცა არ შეიძლება განვიხილოთ ვარიანტი, რომლითაც მაიკლი სეზონის დასრულების შემდეგაც შეინარჩუნებს ამ თანამდებობას — ეს არც მაიკლისთვის იქნება სწორი და არც კლუბისთვის.
ყველა მატჩიც რომ მოიგოს, შეიძლება შეიქმნას ვითარება, როცა ის საოცარ სერიას ჩაატარებს, გულშემატკივრები ენთუზიაზმით აივსებიან და გუნდი ჩემპიონთა ლიგის ზონასთან ახლოს აღმოჩნდება, მეხუთე ადგილზე ან მის მახლობლად. წარმატებული მონაკვეთის შემთხვევაში ეს სრულიად რეალურია და ყველა შეიძლება აგვიყოლიოს.
მაგრამ გულწრფელად მიმაჩნია, რომ სეზონის დასრულების შემდეგ, სხვა ვარიანტები უნდა განიხილონ, მითუმეტეს მაშინ, როცა ხელმისაწვდომები იქნებიან მაურისიო პოჩეტინო, თომას ტუხელი და კარლო ანჩელოტი.
ანჩელოტიზე უკვე მისაუბრია. ვფიქრობ, ასაკის გამო, ის ახლა 66 წლისაა, მას ალბათ საუკეთესო სამსახური აქვს მსოფლიოში. შესაძლოა ეს მისი ბოლო საკლუბო კონტრაქტიც გახდეს.
თუ არსებობს ადამიანი, რომელსაც აქვს მოთმინება, სიმშვიდე და პრემიერლიგაში მუშაობის გამოცდილება…“ — განაცხადა ნევილმა Stick to Football-ის პოდკასტში.
