გიორგი კვერნაძის გუნდი სერია ა-ში დაბრუნდა

გიორგი კვერნაძე მომდევნო სეზონში ფროზინონესთან ერთად სერია ა-ში ითამაშებს.

ქართველის კლუბმა სერია ბ-ს ბოლო, 38-ე ტურში, მანტოვას 5:0 მოუგო და სეზონი მე-2 პოზიციაზე დაასრულა, შესაბამისად ტოპ 5 ლიგაში მორიგი ქართველი იმუშავებს.

ფროზინონემ სერია ბ-ში ჩატარებულ 38 მატჩში 23 მოიგო, 12 ფრედ ითამაშა და 3 წააგო, ჯამში კი 81 ქულა დააგროვა და მე-2 ადგილი დაიკავა, ლიდერ ვენეციას კი მხოლოდ 1 ქულით ჩამორჩა.

რაც შეეხება გიორგი კვერნაძეს, ქართველმა შემტევმა ამ სეზონში 5 გოლი და 5 საგოლე გადაცემა მიითვალა.

კვერნაძეს ფროზინონესთან ერთად 2023-24 წლების სეზონში სერია ა-ში 5 მატჩი აქვს ჩატარებული, გასული 2 სეზონი კი გუნდთან ერთად სერია ბ-ში გაატარა.